पुणे, लोणीकंद पोलिस ठाण्याचे वरिष्ठ पोलिस निरीक्षक सर्जेराव कुंभार यांचे (Senior Police Inspector Sarjerao Kumbhar passes away due to heart attack) वयाच्या पन्नासाव्या वर्षी हदयविकाराच्या धक्क्याने निधन झाले. मध्यरात्री ही घटना घडली. या घटनेने शहर पोलिस दलात शोककळा पसरली आहे. त्यांच्यामागे पत्नी, एक मुलगा, एक मुलगी असा परिवार आहे.
सर्जेराव कुंभार हे मुळचे कोल्हापूर जिल्ह्यातील हातकणंगले तालुक्यातील चावरे गावाचे रहिवासी होते. कुंभार हे विमानतळ पोलिस ठाण्यात गुन्हे निरीक्षक म्हणून नियुक्तीस होते. गेल्या वर्षी त्यांची लोणीकंद पोलिस ठाण्यात वरिष्ठ निरीक्षक म्हणून नियुक्ती करण्यात आली. कोरेगाव भीमा येथील विजयस्तंभ लोणीकंद पोलिस ठाण्याच्या हद्दीत आहे.
१ जानेवारी रोजी पार पडलेल्या अभिवादन सोहळ्याचा बंदोबस्त कुंभार यांच्या मार्गदर्शनाखाली कर्मचाऱ्यांनी यशस्वीरित्या पार पाडला होता. शनिवारी (३१ जानेवारी) दिवसभर ते पोलिस ठाण्यात होते. रात्री साडेनऊच्या सुमारास ते कामकाज आटोपून वडगाव शेरीतील घरी आले. मध्यरात्री दोनच्या सुमारास अस्वस्थ वाटून लागले. नंतर त्यांना तातडीने खराडीतील खासगी रुग्णालयात दाखल करण्यात आले. रुग्णालयात दाखल असताना त्यांना हदयविकाराचा झटका आला. कुंभार त्यांचे त्यात निधन झाले. कुंभार यांच्या पार्थिवावर कोल्हापुरातील मूळगावी अंत्यसंस्कार करण्यात येणार आहेत.
——————
About the Author
